Los Proyeutos de Xune Elipe

Ta a punto de salir al mercáu el caberu discu de "Dixebra", la formación liderada por Xune pondrá esti mes de avientu a la venta el direutu grabáu n'Avilés en xunu.
Amás, la conseyería de cultura destinó una ayuda económica para'l llanzamientu del nueu proyeuto de Xune: "Soncai System", seguramente en la onda mestizaxe, reggae.....

Nuevu Discu Pa Skama La Rede

Entamen a llegar noticies sobre los proyectos discográficos del añu qu'entra.
Nesti casu ye'l grupu de ska-rock asturianu Skama la Rede'l que yá tien fecha pa entrar grabar el que tien que ser el so segundu discu.
Los de Carreño, anque con cantante de Lluanco, van repetir cola mesma casa de discos, "L'Aguañaz", cola que grabaron el so trabayu discográficu anterior "La Nuesa Hestoria", que foi perbien recibío polos aficionaos a la música asturiana y al rock en concreto.
Viendo esti bon resultáu Skama la Rede tamién va repertir no que cinca a estudiu de grabación y productor, trabayando otra vuelta nos estudios TUTU de Corvera tando a los mandos el productor Sergio Rodríguez.
El grupu va caltener la coherencia musical siguiendo pela canal del rock-ska coles sos pingarates de punk o reggae, arriendes de siguir apostando por lletres de cantares onde se mez los revindicativu colo célebre.
El grupu quier tener el discu na cai pa la primavera, xusto enantes d'entamar la temporada de conciertos de branu, y va ser de les primeres producciones de la discográfica "L'Aguañaz" tres de fusionase cola editorial Ámbitu.

Fuente: asturies.com

New York Ska-Jazz Ensemble en Xixón

La Asociación Cultural Astur Soundsystem xunto con Brixton Records tien el placer de presentar el conciertu de la New York Ska-jazz Ensemble que realizaráse'l prósimu Xueves 7 d'Avientu a les 22:00 hores na sala Louie louie (c/ Torcuato Fdez. Miranda, 2 , Parque Isabel Católica, Xixón), el preciu únicu de la entrada será de 10 €, aforu llimitáu.
Y depués del conciertu la meyor música xamaicana nel Barucu (c/ Almacenes, Gijón) y dende les 4:30 nel Pub Soho (Cimadevilla, Gijón) col selector asturianu Gabi (La Colina del Profeta, Radio Kras), la entrada a estos llocales ye de baldre.

1 Xornaes Escontra'l Terrorismu de Xéneru

Algama, asociación asturiana escontra la violencia de xeneru, organiza el próximu Vienres 24 de Payares les "Primeres Xornaes escontra'l terrorismu dexéneru" con un conciertu na Sala Nuevo Savoy de Xixón a partir de las 20:00h.
El conciertu entamará col grupu de Hip-Hop n'asturianu K-Nalón, que dende la cuenca'l Nalón tarán presentando la so primer maqueta "Conciencia Llibre".
Dempués el turnu tocara-yos al grupu mozu xixonés Ásperos, que a ritmu de Punk-Ska tarán interpretando dalgunos cancios de los que formarán la so prósima maqueta.
Como tercer grupu enriba del escenario actuará La Tarrancha, interpretando los cantares que tarán inxertaos nel so primer trabayu "QLT?"
Por últimu, Skontra sedrán los encargaos de piesyar la nuechi con cancios que pues escuchar nel so primer CD "Semeya de la rabia".
El preciu únicu d'esti conciertu ye de 3 euros, que dirá en sofitu a Algama, p'autofinanciar estes xornaes.
Más información en http://www.algama.org/