Conciertu Guapu

El prósimu 7 de xineru tenemos un conciertu guapu nel "Centru Sociocultural El Llar" en Les Vegues (Corvera d'Asturies), ta prevista la actuación de Desakato, La Tarrancha y Skama La Rede, habrá que tar ehí dandolo too.

Noticies Rabalbu

Nes prósimes selmanes crearase la nuesa web, intentaremos conseguir el dominiu "www . rabalbu . com" y espaciu web pa la creación d'una nueva web y un nueu foru de meyor calidá, amás ofreceremos espaciu y diseñu web gratuitu a tolos grupos que tean interesaos.
En cuanto al festival reggae-ska siguimos empeñaos cola so realización, depués de pedir info a dellos grupos: Dr. Calypso, Skama La Rede, Discípulos de Otilia, Skaparapid, Sin Papeles, Salida Nula, San Blas Posse, La Tarrancha, Ermitaños del Río, Dixebra, Trapatoni Circus Band, Alegría de la Güerta, The Tos-Tones, Reggae Night Reunion, Komando Kokilla, Begoña Bang Matu, The Granadians, Potato, Gran Orquesta Republicana, Mallacán, Skabeche Riber Band, Jah Stá, Skarnio y Familia Iskariote y fasta d'ofrecenos a grupos como: Betagarri, Dr. Ring Ding, The Toasters, New York Ska Jazz Ensemble e Intensified. Dende equí queremos dai les gracies a tolos grupos y managers que contestaron a los nuesos mails. Más o menos tenemos ya una idea de los grupos que van tocar.
Agora el nueso caberu pasu ye conseguir un llocal, nos prósimos díes taremos en contactu colos ayuntamientos de Corvera, Castrillón y Sotu´l Barcu.
Veremos.....

Noticies de Skontra

Parez que Skontra ya tien el so discu "Semeya De La Rabia" a puntu, según la so web tuvo paráu por dellos motivos: "Grabaremos nueves guitarres e intentaremos finar la llaboración del diseñu del llibretu". Tamién hai cambios nel grupo. Amás la meyor noticia de todes ye que probablemente incluyan una sección de vientos.
Skontra tará tocando el 23 d'avientu en Ciañu, na folixa anual del Sindicatu d'Estudiantes.
Más info: http://www.skontra.net/

A Favor del Cannabis

ENCOD ta recoyiendo firmes pa que fine "la guerra de les drogues" en Europa pol mediu del "Informe Catania" que propón la xeneralización de la implementación de les polítiques conocíes como "reducción de riesgos" per toa Europa.

Firma a favor d'otra política europea sobre droges:
http://action.encod.org/portal/faces/public/exo/

Conciertu en Lluanco

El 9 d'avientu na Sala Maite de Lluanco actuarán los grupos astures Gomeru, Asperos y Skama La Rede. El conciertu entama a les 21.00h. y la entrada val 3€.
Asperos ye un grupo xoven que toquen punk con dalgún toque Ska, amás tan presentando la so primer maketa.
http://www.asperosxixon.tk/
Gomeru formose nel añu 2004, carauterízase por faer música punk n'asturianu comprometía cola temática social asturiana.
http://gomeru.shinranet.com/

Skama La Rede sigue dando conciertos, amás desti, enantes tocarán nun Amagüestu Popular na Escuela "Jesús Neira" de La Pola L.lena el sábadu 26 de payares xunto a los grupos Adizión Etílika, Lakkra e Innerself, el amagüestu entama a les 20.00h. y la entrada ye de baldre.

Skama La Rede Peles Cais d'Uviéu

Skama La Rede tocó enriba d'un camión na Manifestación pola Oficialidá de la Llingua Asturiana. 10.000 activistes pro-derechos llingüísticos esfrutaron de la música ska. Les cais d'Uviéu vibraron col conciertu de Skama La Rede y d'una de les mayores manifestaciones a favor de la nuesa llingua asturiana.
Puedes descargate el vídio de la so actuación na so web: http://www.skamalarede.com/

Sin Papeles saca discu

Otra novedá eskatalítica ye la del caberu trabayu de "Sin Papeles", la banda catalana edita depués de tres años el so segundu discu nomáu: "Duermes?".
Si prestote la maketa y el primer discu de "Discípulos de Otilia" antes de facerse "serios" o los trabayos de "Los de Otilia", ensin nenguna duda prestaráte la voz y les lletres del cantante Pep Boltó y de "Sin Papeles".
Más info: http://www.sinpapeles.net/

Nueu Discu de Skalariak

La banda de ska de Iruña "Skalariak" va sacar nueu disco a fines d'esti mes: "Luz Rebelde".
Como adelantu tienen pa baxar na so web el so primer single, "Corazón Rebelde".
Skalariak tien na actualidá cuatro trabayos editaos: "Skalariak", "Club Ska", "En La Calle" y "Radio Ghetto". Anguaño son too un referente del ska estatal.
Más info: http://www.skalariak.com/

Nuevu DVD-CD de Negu Gorriak

Va editase un DVD cola hestoria de Negu Gorriak. Tamién editarase un CD que recoyerá el testimoniu en direutu del conciertu “Negu Gorriak, geurea da garaipena”, realizáu nel 2001 nel Velódromu d'Anoeta. El discu tendrá estos 15 temes: Ez dut ezer esan nahi, Hitz egin, Bost gehiago, Hiri gerrilaren dantza, Itxafero mekanikoa, Zipaioen matxinada, Nire baitan daude biak, Ideien kontrabandoa, Ez dezagun sal, Song number one, Kaixo, Errespetua, Begirunea, Aizu eta NG geurea da garaipena. Esti trabayu tará nel mercáu el 1 d'avientu.

¿Prestaríate un Festival Ska-Reggae n'Asturies?

La idega ye facer un Festival Ska-Reggae-Punk n'algún llugar d'Asturies pal prósimu añu, nel sub-foru de "Conciertos" del nueso foru alcontraréis un mensaxe con info sobro'l proyeutu.