Marzu nel chigre de Chalaneru Ska

SABADU 4 DE MARZU:IRIE LION SOUND. Sound system lleonesa muy activa nos caberos años, metios tamién na asociación Bumtaka (percusion africana), tan montando y pinchando munchos conciertos con xente de lo meyor na escena reggae estatal(Roberto Sánchez-Basque Dub Foundation-Lone Ark) Hermano l, Benjammin, Heartical Sound.....esti colleutivu ta formau por un garrapiellu de xente mozo dividios en varies estayes: hai dj`s, cantantes, percusion..a Uvieu vienen de xuru los dj`s Mr Cholo y Ganja Love( reggae-dancehall) que pondrán música de magar a media nueche fasta les 5 de la mañana, nun vendrán solos porque tamién tará acompañando supersensi al djembe.
SABADU 11 DE MARZU:BRONKITIS KRONIKAH soundsystem burgalesa dedica a promover la musica reggae/dancehall por Burgos y tol estau, pondrán reggae roots dancehall hasta altes hores... habrá mas sorpreses pa finar el mes. Pendiente p'abril la sound de Donosty Revolutionary Brothers

El Chigre'l Laboratorio tan na calle Carpio (Cascu Vieyu) d'Uvieu.

Nueu Discu de Begoña Bang-Matu

La voz femenina más importante dientru la escena Reggae estatal torna col so segundu discu. Cuatru llargos años pasen dende'l "Magia Negra" (Liquidator 2001) so debú en solitariu xunto con La Orquesta Kingston. Tras presentalo per too'l estáu, Portugal y Suiza, formando parte de la mítica banda Potato y colaborando nuna xira mundial con Fermín Muguruza y la Kontrabanda, Begoña torna con un nueu discu, "I´m Thinking About You" (Brixton 2005). Grabáu y producíu por Timoteo Ozaeta "Dr. Jalas" (Potato), en 008 Estudios, Mekoleta (Bizkaia).
10 temes que demuestranos la gran versatilidá y personalidá de so voz . Soul, Jazz, Rocksteady, R&B, son dende fai tiempu sos inconscientes rexistros y faen que cada ún de los temes puea ser disfrutáu non sólu polos amantes del Reggae sinon de la música negra en xeneral. Siguiendo la filosofía de los grandes músicos cualisquier de sos temes pue ser de xuru un éxitu.
Begoña Bang-Matu, entama la so carrera nel 1989 cantando Rhythm & Blues pero dióse a conocer a partir del 1993 por ser cantante de la desaparecía banda madrilana de ska Los Malarians, depués collaboraría en numeroses bandes como Ramiccia, Jazz Entre Divas, Laurel Aitkel, Respect, Arpioni, Skalariak......

Más info: http://www.brixtonrecords.com/

La Tarrancha va grabar temes pa un discu

El grupu de ska-fusión "La Tarrancha" tien programaes pal fin de selmana qu'entra les sos dos últimes actuaciones de la temporada. La primera va ser esti vienres 24 dientro de la programación del Antroxu avilesín, y ta programada pa ente les 21:30 y les 22:30 de la nueche. El sábadu 25 el grupu va tar en Goián (Pontevedra) yá na mesma llende con Portugal, dientro del Festival de Taiña. N'acabando estos conciertos, la banda va posar los trastes pa trabayar na grabación d'una maqueta o CD de media duración.

Formáu por doce músicos qu'igüen una banda con una sección de vientos vien curiosa, "La Tarrancha" axunta a xente de dellos conceyos del centru d'Asturies pa facer una música que definen como "mui personal dientro de los soníos clásicos del reggae y el ska, amestándo-yos pingarates de funk, soul, ragga, swing y dellos estilos más". Anque tan pa grabar un EP y yá tengan asoleyao cantares en dellos compilatorios, la xente de "La Tarrancha" diz que s'afaya meyor nel terrén del directu.

Sacáu de http://www.asturies.com/

Festival Soul '06

La Discoteca Maite de Lluanco acoyerá durante'l primer fin de selmana de marzu el Festival Soul-06, cola participación de perimportantes dj's. Los amantes desta música podrán disfrutar de llargas sesiones los díes 3, 4 y 5 de marzu, a partir de les doce de la nueche. El preciu de la entrada, qu'incluye dos consumiciones, ye de 15 euros.
Los participantes nel festival sedrán los británicos Soul Sam y Steve Guarnori, el estadounidense Oli Stewwart, los españoles Miguel Oribe y David de Santiago y los asturianos Herminio Alfonso y Félix A. Domínguez.

Nueu Discu de Fermín Muguruza

Fermín Muguruza alcuéntrase en Xamaica preparando el so nueu trabayu con grandes collaboraciones:

"Aupa compas: Desde primeros de año estoy instalado en Kingston, donde estoy realizando la grabación de mi nuevo disco. En esta nueva aventura, me acompañan JonElizalde, Xabi Solano y Xabi Pery, con los cuales fui puliendo durante el2005 los temas que compondrán este nuevo trabajo.
Además de estos 4 músicos vascos, también han participado los siguientes músicos jamaicanos en las sesiones de grabación que realizamos en los estudios TUFF GONG international :
Batería: Wayne "C#" Clarke (Steel Pulse, Shaggy)
Bajo: Daniel "Axe Man" Thompson (Black Uhuru)
Guitarra: Wayne Armond (Jimmy Cliff)
Teclados: Franklin "Bubbler" Thompson (Black Uhuru)
Percusiones: Uzziah "Sticky" Thompson (Sly&Robbie)
Saxofón: Dean Frasier (Rita Marley, Luciano)
Trompeta: David Madden (Skatalites)
Coros: Keisha Patterson (Sinead O'Connor), Leba Hibberts (Toots&The Maytals), Pam Hall (Fab5)
Técnico de sonido: Errol Brown
Productor: Clive Hunt
Coros en dos temas de I- Threes: Rita Marley, Marcia Griffiths, Judy Mowatt
Actualmente nos encontramos en la fase de mezclas en el estudio BIG YARD del músico Shaggy y esperamos tener el master acabado para mediados de febrero.
La fecha de lanzamiento del disco será con toda probabilidad en esta primavera.
No quiero despedirme sin antes enviar un fuerte abrazo y salam agur a todos los que hicieron posible el proyecto METAK y KONTRAKALEA. Adelante siempre con la autogestión e independencia.
Un abrazo grande: Fermin Muguruza"

Más info: http://www.muguruzafm.com/