El Xaphoon, ¿nuevu instrumentu de vientu?

El Xaphoon (saxo de bolsillo) tratase d'un instrumentu afináu en do parecíu a la flauta dulce pero con embocadura y caña de Saxo tenor y que produz un guapu timbre de Saxo altu o Clarinete, dependiendo de la octava na que toquemos.
Amás el Xaphoon tien un preciu mui competitivo (menos de 60€), ya ta introduciendose n'algunos grupos folc, ¿tendrá cabida n'otros estilos musicales?
Más info: http://www.xaphoon.com/

Chalaneru Ska

El sabadu 29 d'ochobre nel Bar Laboratorio d'Uvieu faerase la primera folixa nel chigre de música pinchada en direutu por parte de tres dj's:

• Majaras Sounds System-Uvieu-Radio QK (ska 60 roots reggae).
• Sero Dub-Galiza (dancehall-ragga).
• Maydeganja-Mieres (dancehall-roots-reggae).

Too esto entamará alrodiu de les 12 de la nueche.

L'Asociacion Cultural Chalaneru Ska lleva un bar dedicao esclusivamente a los sonidos xamaiquinos: "El Laboratorio". Ta asitiao na Cai Carpio nº 11, n'Uvieu.

Conciertu Ochobre '34

Los grupos K-Nalón, La Tarrancha y Escuela de Odio actuarán en conciertu'l sábadu 29 d'Ochobre na Sierra´l Trabanquín de L'Entregu a les 21:30 de la nueche.
El conciertu ta entamao poles J.C.A.

Dixebra en Conciertu

Si quies ver a "Dixebra" en direutu presentando el so caberu discu "Ensin Novedá" (Discos L'Agüañaz-2005) pues pasate per Nava el día 22 de ochobre y per Castrillón el 16 de Payares.
Dixebra lleva dende'l añu 1987 en activu y ya fai 15 años dende que salió el so primer discu titulao "Grie-Ska", dende entós tien nel mercáu 8 trabayos nos que se pue oyir extremaos estilos musicales: rock, punk, folk, ska, reggae....

Skama La Rede en Conciertu

El grupu de Ska "Skama La Rede" actuará por partida doble el sábadu 5 de payares :

• Na Plaza La Baragaña de Candás con motivu del Amagüestu Popular, xunto con "Skama La Rede" tamién tarán el folk de "Gueta Na Fonte" y de "La Bandina'l Tombo", "Skama La Rede" actuará a les 23:30 y la entrada ye de baldre.
• Na Manifestación Pola Oficialidá de la Llingua Asturiana n'Uvieu a les 13:00 hores.

"Skama La Rede" ta presentando per medio de varios conciertos el so discu "La Nuesa Hestoria" (Discos L'Agüañaz-2005).

Más info: http://www.skamalarede.com/

La Tarrancha ya tien Web

La Tarrancha, un de los meyores grupos en directu ya tien web:
http://www.latarrancha.com/

La Tarrancha ye un grupo dedicáu al reggae-ska anque ensin dexai de llau otros estilos musicales, provienen de la xuntanza de los grupos: "Faiunflai" y "Zemba".

Anguañu sólu tienen dos temes editaos nel compilatoriu: "Rock'n Llingua" (Discos L'Agüañaz-2004), amás tan aforrando pa sacar la so primer maketa.

Ermitaños Del Río

La formación reggae-fusión de Cangues d'Onís "Ermitaños del Río" tá grabando la so primer maketa col título "Locos Por La Vida".
Entre los sos componentes alcuentrase xente de los grupos "Mala Reputación" y "Desorden", como son David Rodriguez y Palomo respeutivamente. A les percusiones alcuentrase Pablo Viña, ex-"Fe de Ratas" y actual téunicu de soníu de "los mala".

Pues alcontrar más info y temes na so páxina web:
http://www.ermitanosdelrio.com

Entamamos

Buenes, equí tamos!!!
nos caberos díes iremos perfilando el conteníu de la web.