A Bizkaia de folixa

Esti sábadu 27 de mayu va cellebrase n'Itzubaltzeta Gaztetxea -Casa de la mocedá d'Erromo (Bizkaia)- la segunda edición de la Folixa Asturiana tres l'ésitu de la del añu pasáu qu'aconceyó a 400 persones. Esti añu la xornada va entamar con un pasucais de gaita y tambor pa siguirdepués con una Xinta Popular. Pela tarde van proyectase dalgunos documentales de temática asturiana pa pesllar les xornaes a les 10 de lanueche con un conciertu, al preciu de dos euros, de los grupos Skontra - que presenten el so primer trabayu "Semeya de la rabia"- y Skama La Rede - que presenten el so primer trabayu "La nuesa hestoria". Dende Asturies va viaxar un autobús que va salir d'Avilés faciendo paraes en Candás y Xixón. El preciu del viaxe, qu'inclui entrada pal conciertu, ye de 5 euros y les inscripciones pueden facese nel Conceyu Cultural La Gueta de Candás y nel Pub Miau de Cimavilla en Xixón. La salida ta prevista pa les 10 de la mañana y la vuelta pa les 5 de la madrugada.