El grupu asturianu de música La Tarrancha, saca a la cai el so discu-maketeru primeru col nome xenéricu de QLT?.
El títulu pronunciáu como "culete?" bien de los sms que dalguna xente de L'Entregu se manda pa quedar a tomar unes de sidra, pero el sentíu desi nome ye un convite a tola xente a disfrutar de la musica y l'espectaculu del grupu.
La Tarrancha, que ye un grupu fundamentalmente de directu, salda con esta maketa/discu una deuda cola xente que quería tener daqué palpable del grupu. El discu autoproducíu pol grupu contien ocho canciones dos de les cuales son una reedición pos ya apaecieran nel recopilatoriu de L'Aguañaz "Rock`n`llingua".
Los temes, que son toos composiciones de grupu van del reggae al ska con tintes de soul, funk y otres influencies, interpretaes n'asturianu sacante la canción qu'abre'l discu que ye en castellanu.
El público ya pudo saborguiar un adelantu desti trabayu cola edición vía internet del tema "Exit-encia" que salió a la rede en forma de single con portá incluyia pa que la xente la pudiere descargar.
Esa filosofÍa va tar presente tamien en
"QLT?" pos aparte de tar a la venta el discu, va tar tamién a disposición del públicu na so páxina nun plazu que s'espera non mui llargu en cuanto'l grupu cambie la acual páxina del grupu
latarrancha.com por una mas remozada.
Con esta idea pretenden que QLT? llege al mayor númberu de xente posible dientro y fuera d'Asturies, onde un grupu con un discu autoproducíu tendría mui difícil llegar.
El discu foi grabau por Jgel y Jman de FF PRODUCCIONES a entamos del branu col so estudiu móvil nos llugares de El Pontón (Sotrondio) L'Escobal (Valle Santa Barbola) y nel llocal del grupu en Llaranes (Avilés), pa ser editau dempués namás u na menos en El Japon (L'Entregu).
Los temes que componen el discu son:
-reggae sound reggae
-reggaeman
-orbayu
-manolín
-exitencia
-xiringüelu fin de karrera o ska de la muerte.
(más los ya editaos anteriormenta nel recopilatoriu "ROCK`N`LLINGUA"):
-presente indicativu del verbu nuntrabayar
-planta
El grupu anguañu ta formau por diez persones que se esparden pela zona centro d'Asturies en llugares conmo Xixón, Uviéu, Aviles, Corvera y L'Entregu.
Mayo bateria
Chabi baxu
Nano guitarra
Martín guitarra
Mónica percusiones
Arturo saxos
Colino trompeta
Javi trombón
Vito voz y coros
Delfo voz, coros y xiblata.
